Livan Sırtqı isler ministrligi Birlesken Milletler Shólkemi Qáwipsizlik Keńesine shaǵım menen múrájat etip, Izraildıń oq atıwın toqtatıw boyınsha kelisimdi qayta-qayta buzǵanınan qáweterlendi, dep jazdı «Irna news».

Narazılıq xatında Izraildıń háreketleri 1701-sanlı rezolyuciyaǵa qayshı ekeni, úylerdi wayran etiw, adamlardı urlaw hám puqaralarǵa hújim jasaw dawam etip atırǵanı aytılǵan.
Livan xalıqaralıq jámiyetshilikti bul qaǵıyda buzılıw jaǵdayların saplastırıw hám xalıqtı qorǵawǵa dárhal itibar qaratıp, shara kóriwge shaqırmaqta.

Qaraqalpaqstan xabar agentligi