– Mámleketimiz álleqashan «Rus úyi»niń jumısın saplastırıw haqqında qarar qabıl etkenin esapqa alıp, Rossiya tárepi tiyisli ilajlar kóriwin kútemiz,-dedi Ázerbaydan SIM baspasóz xatkeri Ayxan Hajizada.
Onıń atap ótiwinshe, Ázerbayjan aymaǵında bunday shólkemlerdiń jumısı jergilikli nızamlar tiykarında tártipke salınadı.
– Baku RF tárepine «Rossotrudnichestvo»nıń Ázerbayjandaǵı wákilxanası bolǵan málimleme-mádeniy oray – «Rossiya úyi» yuridikalıq tárep sıpatında dizimnen ótpegeni hám úlke nızamshılıǵın awır buzǵanı haqqında málim etti. Bunnan soń, 2025-jıl 3-fevralda rásmiy Moskvaǵa Rossiya palatasınıń jumısın toqtatıw haqqında nota jiberildi,-delinedi Sırtqı isler ministrliginiń xabarında.
«Rossotrudnichestvo» basshısı Evgeniy Primakov Bakude rus mádeniyat orayı máselesinde aqılǵa uǵras sheshim tabılıwına úmit bildirdi. Onıń atap ótiwinshe, «Rus úyi» tek ǵana gumanitarlıq birge islesiw menen shuǵıllanadı hám siyasatqa aralaspaydı.
– Házirgi waqıtta eki mámleket sırtqı isler ministrlikleri arasında jumıs alıp barılmaqta,-dedi ol. – Rossiya tárepinen ijaraǵa alınǵan imarat iyesi bolsa imaratlardı 1,5 ay ishinde bosatıwdı talap etpekte.
Primakovtıń málim etiwinshe, Baku «Rus úyi» jergilikli nızamshılıqqa bola yuridikalıq tárep sıpatında dizinen ótkeriliwi kerek ekenligin aytqan. Sonday-aq, ol «Rus úyi»n Amerikanıń USAID shólkemi menen salıstırıwdı sınǵa alıp, bul oray tek ǵana gumanitarlıq birge islesiw menen shuǵıllanǵanın esletip ótti.

S.Rahimov, ÓzA