Yadro injeneri hám «Miss America» tańlawınıń burınǵı jeńimpazı Greys Stanke derlik 30 jıl dawmaında qadaǵan etilgen atom energiyasınıń abzallıqları aytılatuǵın 10 kúnlik gastrol saparı menen Avstraliyaǵa bardı, dep jazdı «CNN» basılımı.
22 jasar gózzallıq máliykası házir AQShtıń energetika gigantı «Constellation»da baspasóz xatkeri hám injener sıpatında jumıs alıp baradı.
Stankeniń saparı Avstraliyadaǵı názik bir waqıtta, oppoziciyadaǵı Liberal partiyanı hákimiyat basına qoyıwı múmkin bolǵan milliy saylawlardan bir neshe ay burın júz bermekte.
Bir neshe kún dawamında Stanke «Nuclear for Australia» (NFA) qayırqomlıq shólkemi tárepinen shólkemlestirilgen ilajlarda júzlegen avstraliyalılar menen sáwbetlesti.

Qaraqalpaqstan xabar agentligi