«Turaqlı rawajlanıw maqsetlerine erisiwde joqarı bilimlendiriw tarawındaǵı imkaniyatlar hám baslamalar» temasında birinshi Ózbekstan-Malayziya bilimlendiriw forumı bolıp ótti.

Xalıqaralıq forumda «Jasıl ekonomika» hám turizm máseleleri», sonday-aq, «Sanaat revolyuciyası 5,0, jasalma intellekt hám metatexnologiyalar» temalarına baǵıshlanǵan sessiyalarda eki mámleket ushın áhmiyetli bolǵan ilimiy hám texnologiyalıq máseleler dodalandı.

Malayziya – Ózbekstan Joqarı bilimlendiriw forumı hám kórgizbesinde joqarı bilimlendiriw mákemeleri hám sırt el kompaniyaları menen kóp tárepleme birge islesiwdi bekkemlew jáne ámeliy basqıshqa ótiwge qaratılǵan óz-ara túsinisiw memorandumlarına qol qoyıldı. Forumda bilimlendiriw hám ilim tarawında birgeliktegi joybarlardı ámelge asırıw boyınsha kelisimlerge erisildi jáne eki mámleket joqarı bilimlendiriw mákemeleri arasında 50 den aslam shártnama hám memorandumlarǵa qol qoyıldı.

Malayziya – Ózbekstan bilimlendiriw forumı sheńberinde Malayziya Perlis universiteti, Sultan Idris pedagogikalıq universiteti hám Buxara injenerlik-texnologiya institutı arasında Memorandumǵa qol qoyıldı.

– Memorandumda Malayziya Perlis universiteti hám Buxara injenerlik-texnologiya institutı menen birgelikte magistratura qánigelikleri boyınsha «jasıl ekonomika» hám inklyuziv bilimlendiriw normalarına tiykarlanǵan halda birgeliktegi bilimlendiriw baǵdarlamasın jolǵa qoyıw bolıp tabıladı, – deydi institut rektorı Sadoqat Siddiqova. – Sonday-aq, Buxara injenerlik-texnologiya institutında birgelikte «Jasıl qurılıs materialları» ilimiy-izertlew laboratoriyasın shólkemlestiriw, Magistratura hám onnan keyingi (RhD) basqıshtaǵı izleniwshilerge eki bilimlendiriw shólkeminen basshı tayınlawdan ibarat bolıp tabıladı.

Akademiyalıq mobillik hám professor-oqıtıwshılardıń stajirovkaların shólkemlestiriw, ilimiy jurnallar redakciyaları aǵzalıǵına hár eki tárepten jetekshi professor-oqıtıwshılardı kirgiziw, Cradle Fund, MaGIC (Malaysian Global Innovation & Creativity Centre), Tamarai Ventures sıyaqlı investiciyalıq kompaniyalar menen sırt el investiciyaların start-ap joybarlarına tartıw kelisimlerin ámelge asırıw bolıp tabıladı. Sultan Idris pedagogikalıq universiteti menen «Jasıl universitetler, jasıl ekonomika, aqıllı qalalar hám innovaciyalar» joybarı boyınsha birge islesiw sıyaqlı kelisimlerge erisiledi.

Malayziya-Ózbekstan bilimlendiriw forumında Petronas texnologiya universiteti hám Buxara injerenlik-texnologiya institutı arasında neft, gaz hám energetika tarawları ushın qánigeler tayarlaw, olardıń mamanlıǵın arttırıw boyınsha kelisimge erisildi.

ÓzA