Senattıń Xalıqaralıq qatnasıqlar, sırtqı ekonomikalıq qatnasıqlar, sırt el investiciyaları hám turizm máseleleri komitetiniń májilisi bolıp ótti.

Onda «Qorshaǵan ortalıq penen baylanıslı bolǵan máseleler boyınsha qararlar qabıl etiw procesinde jámiyetshiliktiń málimleme alıw imkaniyatı, qatnasıwı hám ádil sudlawǵa erisiw imkaniyatı haqqındaǵı Konvenciyaǵa (Orxus, 1998 25-iyun) Ózbekstan Respublikasınıń qosılıwı haqqında»ǵı nızam kórip shıǵıldı.
Bul konvenciya insannıń salamat qorshaǵan ortalıqqa bolǵan huqıqların qorǵawǵa qaratılǵan áhmiyetli xalıqaralıq hújjet esaplanadı.
Konvenciyaǵa qosılıw hám onıń normaların milliy nızamshılıqqa kirgiziw puqaralardıń abadan qorshaǵan ortalıqqa bolǵan huqıqları hám bul baǵdarda qararlar qabıl etiwde qatnasıwı, maǵlıwmat alıw huqıqların támiyinleydi.
Sonday-aq, bul qorshaǵan ortalıq tarawındaǵı milliy nızamshılıqqa ámel etiliwi ústinen jámiyetlik qadaǵalawdıń zamanagóy sistemasın rawajlandırıw ushın tiykar bolıp xızmet etedi.
Májilis dawamında «Pútkil jer júzilik» pochta awqamınıń ustavına onınshı qosımsha protokoldı (Addis-Abeba, 2018 yil 7 sentyabr) hám on birinshi qosımsha protokoldı (Abidjan, 2021 yil 26 avgust) ratifikaciyalaw haqqında»ǵı nızam da kórip shıǵıldı.
Nızam menen ratifikaciyalanǵan bul protokollar Pútkil jer júzilik pochta awqamına aǵza mámleketler menen birge islesiw qatnasıqları hám xalıqaralıq pochta almasıwın shólkemlestiriw hám nátiyjeli xızmetlerdi turaqlı rawajlandırıwdı názerde tutadı.
Senatorlardıń pikirinshe, bul nızamnıń qabıl etiliwi mámleketimizge usı xalıqaralıq shólkem sheńberinde tolıq tiykarda nátiyjeli qatnasıw imkaniyatın beredi.
Sonday-aq, Pútkil jer júzilik pochta awqamına aǵza mámleketlerdiń belgilengen pochta operatorları hám basqa xalıqaralıq shólkemler menen birge islesiw qatnasıqlarında Pochta baylanısı milliy operatorı Ózbekstan Respublikasınıń máplerin óz wákillikleri sheńberinde qorǵaw hám saqlawda wákillik etedi.
Májilis juwmaǵında tiyisli qararlar qabıl etildi.

N.Abduraimova, ÓzA