– Malayziya AQShtıń kútilgen sawda tarifleriniń tásirin kútiw emes, al Qıtay, Rossiya hám Braziliya sıyaqlı basqa da mámleketler menen jedel sawda baylanısların ornatıwdı maqul kóredi, – dedi Bas ministr Anvar Ibrohim. Bul haqqında «Reuters» málimleme agentligi jazdı.
Húkimet basshılarınıń parlamenttegi shıǵıp sóylegen sózinde Qurama Shtatlardıń bul qádemi Malayziyaǵa da unamsız tásirin kórsetetuǵının aytıp, Donald Tramp tárepinen Kanada hám Meksikaǵa engiziletuǵın qosımsha salıqlardı 30 kúnge toqtatıp turıw qararınıń artında anıqsızlıq bar ekenin qosımsha etti.
– Biz sawda sherikleriniń bunnan bılay da keń tarmaǵın jaratıw ushın jedel háreket etiwimiz kerek, – degen Anvar Ibrahim.

Qaraqalpaqstan xabar agentligi