Malayziyada «Turaqlı rawajlanıw maqsetlerine erisiwde joqarı bilimlendiriw tarawındaǵı imkaniyatlar hám baslamalar» temasında birinshi Ózbekstan-Malayziya bilimlendiriw forumı bolıp ótti.

Forumnıń ashılıw máresiminde Ózbekstan Respublikası joqarı bilimlendiriw, ilim hám innovaciyalar ministri Qwnǵirotbay Sharipov hám Malayziya Joqarı bilimlendiriw ministri Zambri Abdul Qadir shıǵıp sóylep, eki mámleket arasında joqarı bilimlendiriw tarawında bekkem birge islesiw jolǵa qoyılǵanın ayrıqsha atap ótti.
Sonday-aq, tárepler keleshekte joqarı bilimlendiriw mákemeleri arasındaǵı baylanıslardı jáne de keńeytiw, akademiyalıq mobillik baǵdarlamaların rawajlandırıw, birgeliktegi bilimlendiriw baǵdarlamaların engiziw hám ilimiy izertlewler kólemin arttırıwdı atap ótti.
Ózbekstan hám Malayziya kórkem óner sheberleriniń qatnasıwındaǵı koncert baǵdarlaması ilaj qatnasıwshılarına kóterińki keypiyat baǵıshlap, eki mámleket mádeniyatın jaqınıraq tanıstırıwǵa tiykar jarattı.
Forum dawamında taraw qánigeleri tárepinen hár qıylı temalarda bayanatlar oqılıp, eki tárepleme birge islesiwdi jáne de keńeytiw boyınsha bir qatar baslamalar alǵa qoyıldı.

Muhayyo TOShQORAEVA,
ÓzAnıń xabarshısı