Kuveyttiń abıraylı «Al-Anba» basılımı Ózbekstan hám Kuveyt ekonomikalıq birge islesiwiniń rawajlanıw procesine baǵıshlanǵan maqala járiyaladı.

Maqalada mámleketimizdiń investiciyalar, sanaat hám sawda ministri Laziz Qudratovtıń basshılıǵındaǵı delegaciya usı mámleket rásmiyleri hám iri kompaniyaları basshıları menen bir qatar ushırasıw hám sóylesiwler ótkergeni hár tárepleme sáwlelendirilgen.
Sóylesiwlerde sawda, investiciya, kóshpes múlk, sanaat hám awıl xojalıǵı tarawlarında baylanıslardı bekkemlew imkaniyatlarınıń dodalanǵanı atap ótilgen. Tárepler alǵa qoyılǵan baslamalardı turmısqa engiziw maqsetinde keleshektegi ilajlardı kelisip alǵanı atap ótilgen.

M.Pirmatova, ÓzA