Bul haqqında Sociallıq qorǵaw milliy agentligi baspasóz xımeti málim etti.

Atap ótilgenindey, 2025-jıl 1 –fevraldan baslap awır turmıslıq jaǵdayda hám jaqın qarındaslarınıń járdemisiz qalǵanlıǵı nátiyjesinde perzentin tárbiyalawdan waz keshpekshi bolǵan analar, sonıń ishinde, hámiledar hayallar ushın Balalar úylerinde «Analar mákanı» xızmeti jolǵa qoyıladı.
Bul xızmettiń tiykarǵı maqseti balalardıń shańaraqtan ajıralıp qalıwınıń aldın alıw hám analardıń perzentlerin erkin tárbiyalaw qábiletin rawajlandırıwǵa járdemlesiw bolıp esaplanadı.
Onda awır turmıslıq jaǵdayda túsip qalǵan analar hám olardıń balaları (4 jasqa tolmaǵan) 1 jılǵa shekemgi múddetke sociallıq shártnama tiykarında waqtınsha baspana menen támiyinlenedi. Awır turmıslıq jaǵdayǵa túsip qalǵan analarǵa sociallıq, huqıqıy, psixologiyalıq hám medicinalıq xızmetler kórsetiledi, olarda analıq hám kásiplik kónlikpeler qáliplestiriledi.
Sonday-aq, «Insan» sociallıq xızmetler orayları awır turmıslıq jaǵdayǵa túsip qalǵan analardıń kásip iyelewi hám bántligin támiyinlewge járdemlesedi.
Sociallıq qorǵaw milliy agentliginiń rayon (qala)lardaǵı «Insan» sociallıq xızmetler orayı –usı xızmettiń jumısın muwapıqlastırıwshı wákillik uyım esaplanadı.

ÓzA