Sońǵı jılları Ózbekstan-Qıtay arasında sawda-ekonomikalıq baylanıslar tarawı rawajlanıp, ekonomikanıń túrli tarmaqlarında alıp barılıp atırǵan birge islesiwler sezilerli dárejede óz perspektivasın kórsetpekte.

Avtomobil jolları komitetinde Qıtay isbilermenleriniń Ózbekstandaǵı associaciyası basshısı Liyu Yu mırza basshılıǵındaǵı delegaciya menen ushırasıw bolıp ótti. Delegaciya aǵzaların komitet baslıǵı Jamshid Tursunov qabıl etti.
Bizge belgili, Ózbekstan hám Qıtay arasındaǵı doslıq baylanısları jańa sapa dárejesine kóterilmekte. Mámleketler arasındaǵı strategiyalıq sheriklik jaqsı nátiyjelerdi kórsetpekte. Bunday birge islesiwdi jáne de rawajlandırıw maqsetinde avtomobil joları tarmaǵın rawajlandırıw boyınsha delegaciya aǵzaları tárepinen 8 baǵdarda usınıslar bildirildi.
Jol hám kópirler qurılısında sapa kórsetkishlerine erisiw, xalıqaralıq úlgiler hám normalardı tarawǵa keńnen qollanıw, jeke menshik-sheriklik tiykarında jumıs alıp barıw hár eki tárep ushın da paydalı bolatuǵını ushırasıwda atap ótildi, delinedi Avtomobil jolları komiteti maǵlıwmatında.
Liyu Yu Mırza Ózbekstanlı jol salıwshılardı Qıtay Xalıq Respublikasında oqıtıw hám tájiriybe almasıwǵa mirát etti. Maǵlıwmatqa bola kelisimlerdiń juwmaǵı sıpatında jol infrastrukturası tarawında birge islesiw boyınsha Memorandumǵa qol qoydı.

ÓzA