Bilim hám mamanlıqtı bahalaw agentligi baspasóz xızmetiniń málim etiwinshe, shet tilin biliw dárejesin anıqlaw test sınaqlarınıń jazba (tıńlap túsiniw, oqıw, jazba jumısı) bólimi shólkemlestirildi.

Test sınaqları talabanlarına qolaylı bolıwı ushın Qaraqalpaqstan Respublikası, wálayatlar hám Tashkent qalasında shólkemlestirildi. Onda jámi 6,5 mıńnan aslam talaban qatnastı hám 5 talaban tártip-qaǵıydanı buzǵanlıǵı ushın test sınaǵınan shetletildi.

Atap ótilgenindey, test sınaqlarında qatnasqan talabanlar ushın sóylew kónlikpesin bahalaw imtixanları – 20-yanvardan 31-yanvarǵa shekem bolıp ótedi. Test sınaǵı nátiyjeleri Ministrler Kabinetiniń qararına muwapıq, imtixanlar tolıq juwmaqlanǵannan soń bir hápte ishinde járiyalanadı.

ÓzA