Ózbekstan Respublikası Milliy dopingke qarsı agentliginiń 2025-jıl ushın islep shıǵılǵan «Dopingke qarsı doktrina» oqıw rejesi boyınsha federaciya hám associaciyalarda jumıs islep atırǵan dopingke qarsı baǵdarında juwapker xızmetkerler ushın úsh kúnlik – seminar shólkemlestirildi.

Qızǵın dodalawlarǵa bay túrde ótken ilajda 30 ǵa shamalas federaciya hám associaiciyalardıń  dopingke qarsı baǵdarında juwapker xızmetkerleri qatnastı.

Seminardıń birinshi kúninde Pútkil jer júzlik  dopingke qarsı kodeksinde sport shólkemleriniń roli hám minnetlemeleri, WADAnıń ADEL platforması hám Ózbekstan Milliy dopingke qarsı agentligi tárepinen   iske qosılǵan kommunikaciya sistemalarınan paydalanıw boyınsha maǵlıwmatlar berildi.

Oqıw-seminar baǵdarlamasına muwapıq, ekinshi hám úshinshi kúnleri ADAMS sistemasınan paydalanıw, júzege keliwi múmkin bolǵan jaǵdaylar hám talap  etiletuǵın maǵlıwmatlar, nátiyjelerdi basqarıw procesinde trener yamasa basqa shaxs tárepinen jol qoyılǵan qátelikler kórip shıǵıldı. Sonday-aq, qadaǵan etilgen dizim menen islesiw kónlikpeleri, terapiyalıq  ózgesheliklerdi engiziwde arzanı qanday tártipte toltırıw boyınsha bayanatlar tıńlandı.

Seminar dawamında qatnasıwshılar ózlerin qızıqtırǵan sorawlarǵa qánigelerden kerekli juwaplardı aldı. Oqıw-seminar juwmaǵında  federaciya hám associaciyanıń juwapker xızmetkerlerine sertifikatlar berildi.

T.Rwziev, ÓzA