Ózbekstan Respublikası Еkologiya, qorshaǵan-ortalıqtı qorǵaw hám klimat ózgeriwi ministri Aziz Abduhakimov hám Xalıqaralıq bioshorlanǵan awıl xojalıǵı orayı (ICBA) bas direktorı doktor Tarifa Al Zaabi arasında óz-ara kelisim memorandumına qol qoyıldı.

Bul memorandum ulıwmalıq máplerge iye bolǵan tarawlarda tárepler arasındaǵı birge islesiwdi rawajlandırıw menen baylanıslı imkaniyatlar hám óz-ara máplerdi úyreniwge qaratılǵan.
Atap aytqanda, memorandum ekologiya, qorshaǵan-ortalıqtı qorǵaw, tábiyǵıy resurslardan turaqlı paydalanıw, klimat ózgeriwi nátiyjelerin jumsartıw hám beyimlesiw tarawında tájiriybe, málimleme, eń jaqsı ámeliyat hám zamanagóy texnologiyalar menen almasıw, Ózbekstanda turaqlı awıl xojalıǵı, tábiyǵıy resurslardan aqılǵa uǵras paydalanıw hám klimat ózgeriwine shıdamlı ámeliyatqa baǵdarlanǵan joybarlardı birgelikte islep shıǵıw hám ámelge asırıwdı názerde tutadı.
Bunnan tısqarı , memorandum sheńberinde tarawda jumıs alıp baratuǵın hayallardıń jetekshilik potencialın arttırıw, izertlew jumısların alıp barıw kónlikpelerin úyreniw hám qorshaǵan-ortalıqtı qorǵaw hám turaqlı awıl xojalıǵı menen baylanıslı qararlardı qabıl etiw processlerine keńnen tartıw, áhmiyetli tarawlarda birge islesiwdi óz ishine aladı. Memorandum bes jılǵa mólsherlengen hám avtomat túrde úsh jıl dawamında keyingi múddetlerge sozıladı.
Sóylesiwler sheńberinde Ózbekstanda ICBA wákilxanasın ashıw boyınsha ilajlardı tezlestiriw boyınsha da kelisimge erisildi.

ÓzA