Ádillik ministrliginde «Ózbekstanda nızam ústinligi hám insan huqıqların qorǵawdı bekkemlew» joybarı sheńberinde keńes májilisi bolıp ótti.

Májiliste joybardıń 2024-jıldaǵı tiykarǵı nátiyjeleri haqqındaǵı esabatı dodalandı. Joybar tárepinen shólkemlestirilgen Hayallar hám qızlarǵa baylanıslı zorlıqtı saplastırıw boyınsha posterler, fotosúwretler hám qısqa video kórinisler tanawınıń nátiyjeleri járiyalandı. Sonday-aq, 2025-jıl ushın is rejeleri dodalandı.
Ádillik ministriniń orınbasarı, joybardıń milliy koordinatorı Muzraf Ikromov 2024-jıl dawamında «Ózbekstanda nızam ústinligi hám insan huqıqların qorǵawdı bekkemlew» joybarı sheńberinde kóplegen jumıslar ámelge asırılǵanın atap ótti.
Bul jumıslar biypul yuridikalıq járdem kórsetiw sistemasınıń nátiyjeli jolǵa qoyılıwında, usı tarawda jumıs alıp baratuǵın MKShlardıń jumısına járdemlesiw arqalı xalıqqa biypul yuridikalıq járdem kórsetiw mexanizmin islep shıǵıwda úlken áhmiyetke iye.
BMSh Rawajlanıw baǵdarlamasınıń Ózbekstandaǵı turaqlı wákili Akiko Fujii, Oliy Majlistiń Insan huqıqları boyınsha wákili (Ombudsman) Feruza Еshmatova, Finlyandiyanıń Oraylıq Aziyadaǵı elshisi Ilkka Rayzanen bul baǵdarda ámelge asırılıp atırǵan jumıslar Ózbekstanda nızam ústinligi hám insan huqıqların qorǵawdı bekkemlewde unamlı nátiyje berip atırǵanın, bul birge islesiwdi dawam ettiriw kerek ekenligin bildirdi.
Joybar basshısı Azamat Salaev 2024-jılda ámelge asırılǵan jumıslar haqqında maǵlıwmat berdi. Joybardıń 2025-jılǵa mólsherlengen is-rejesi tastıyıqlandı. Sonday-aq, tańlaw nátiyjeleri járiyalanıp, jeńimpazlar múnásip sıylıqlandı.

ÓzA