Ózbekstan Respublikası Prezidenti janındaǵı Mámleketlik basqarıw akademiyasınıń kafedra baslıǵı Aktam Xolovtıń monografiyası abıraylı Amazon baspasında jeti-ingliz, francuz, nemis, italyan, portugal, ispan, rus tillerinde basıp shıǵarıldı.

«Nátiyjeli basqarıw qararların bahalaw» ataması monografiyasında jergilikli atqarıw hákimiyatı uyımlarınıń basqarıw qararları nátiyjeliligin bahalaw kriteriyaları sistemalı tallanǵan.
Sonday-aq, jergilikli atqarıw hákimiyatı uyımlarında basqarıw qararları nátiyjeliligin muǵdarlı (quantitative) hám sapa (qualitative) kórsetkishlerin bahalaw boyınsha pikir-usınıslar berilgen.
Avtor monografiyasında qabıl etilip atırǵan basqarıw qararları nátiyjeliliginiń zaman talapları hám kriteriyalarına tolıq toqtap ótken. Sonday-aq, basqarıw qararların qabıllaw temasına baylanıslı ilimiy kózqaraslardı hár tárepleme tallaǵan.
Bul kitap «Amazon» platforması tárepinen tarawǵa baylanıslı eń perspektivalı qollanba sıpatında tańlap alınǵan hám satıwǵa qoyılǵan.

ÓzA