Nızam ústinligin támiyinlew, xalıq xızmetindegi mámleketlik basqarıwdı shólkemlestiriw, qáwipsizlik hám tınıshlıqtı súyiwshi mámleket principine tiykarlanǵan siyasattı izbe-iz dawam ettiriw «Ózbekstan – 2030» strategiyasın «Qorshaǵan ortalıqtı qorǵaw hám «jasıl» ekonomika jılı»nda ámelge asırıwǵa baylanıslı mámleketlik baǵdarlama joybarınan orın alǵan.
Senattıń Sud-huqıq máseleleri hám korrupciyaǵa qarsı gúresiw komiteti májilisinde usı haqqında sóz etildi.
Dodalaw procesinde mámleketlik baǵdarlama joybarındaǵı bir qatar maqsetlerge erisiw boyınsha tiyisli pikir-usınıslar bildirildi.
Jańa basılımdaǵı Jer kodeksin islep shıǵıw, taw hám taw aldı aymaqlarındaǵı toǵaylardı saqlaw hám olardıń maydanın jáne de keńeytiw usılardıń qatarına kiredi. Sonday-aq, parlament qadaǵalawı nátiyjeleriniń tásirsheńligin arttırıwǵa qaratılǵan nızam joybarın islep shıǵıw sıyaqlı usınıslar ortaǵa taslandı.
Isbilermenler arasında payda bolıp atırǵan ekonomikalıq kelispewshilikler óz waqtında hám ádil sheshiliwin támiyinlew maqsetinde kelispewshiliklerdi sudqa shekem sheshiwdiń qolaylı usılı bolǵan mediaciya institutın jáne de jetilistiriw hám ámeldegi normativlik-huqıqıy hújjetlerge ózgerisler kirgiziw máselesi ayrıqsha atap ótildi.
Onda, tartısıp atırǵan táreplerden dúzilgen mediativ kelisimdi májbúriy orınlaw mexanizmin engiziw hám professional mediatorlar ushın joqarı maǵlıwmatqa iye bolıw talabın qoyıw zárúr ekenligi aytıp ótildi.
Bildirilgen pikir-usınıslar qollap-quwatlanıp, ornatılǵan tártipte mámleketlik baǵdarlamaǵa kirgiziliwi ushın usınıs etiletuǵını málim etildi.
Ilajda mámleketlik baǵdarlama joybarı boyınsha jámiyetshilik, sonıń ishinde, taraw qánigeleri óz pikir-usınısları arqalı belsene qatnasıwı zárúr ekenligi atap ótildi.
N.Abduraimova,
ÓzA