Xabarıńız bar, Sociallıq qorǵaw milliy agentligi, Ózbekstan Respublikası Ishki isler, Densawlıqtı saqlaw ministrlikleri xızmetkerleri menen birgelikte Rossiya Federaciyasınıń 6 aymaǵında jaylasqan 10 balanı watanǵa qaytarıw boyınsha jumıslar baslanǵan edi.
Úyreniwler procesinde Sociallıq qorǵaw milliy agentligi, Ózbekstan Respublikası Ishki isler hám Sırtqı isler ministrligi konsullıq mákemeleri járdeminde jáne 5 balanıń ata-ana qaramaǵınan ayrılǵanı anıqlandı.
Keshe tańda 15 bala Ózbekstanǵa qaytarıldı.
Óz shańaraqlarına qaytarılǵanǵa shekem balalardıń 10 ı Er jetpegenlerge sociallıq huqıqıy járdem kórsetiw orayına, qalǵan besewi bolsa waqıtsha Tashkent qalasındaǵı Balalar úyine jaylastırıldı.
Sociallıq qorǵaw milliy agentligi quramındaǵı «Insan» orayları xızmetkerleri hám máhálledegi sociallıq xızmetkerler jedel jumıs alıp barıp, balalardı qabıl etiw ushın olardıń shańaraqların hár tárepleme tayarlawda qatnastı. Balalar qaytarılǵannan soń, juwapker xızmetkerler olardıń shańaraqlıq ortalıǵı hám balanıń jaǵdayın turaqlı monitoring etedi hám zárúrlik tuwılǵanda sociallıq xızmetler biriktiriledi.
Sh.Mamaturopova, ÓzA