Oraylıq banktiń Bank qadaǵalawı komiteti usı jıldıń noyabr ayındaǵı májilislerinde 32 máseleni kórip shıqtı hám tiyisli qararlar qabıl etti.
Dizimge alıw hám ruqsat beriw baǵdarında 13 másele, sonıń ishinde, kredit shólkemleriniń ustavına kirgizilgen ózgerislerdi dizimnen ótkeriw, banklerde audit ótkeriw huqıqın beriw ushın auditorlıq qánigelik sertifikatın beriw, kredit shólkemleriniń ustav fondındaǵı úlesine iyelik etiw ushın ruqsat beriw hám kommerciyalıq banklerdiń baqlaw keńesi hám basqarma aǵzaları hám ayrıqsha áhmiyetke iye xızmetkerleriniń kandidaturaların kórip shıǵıwǵa baylanıslı máseleler kórildi.
Regulyator tárepinen kommerciyalıq bankler, mikroqarjı hám tólem shólkemlerinde ótkerilgen úyreniwler nátiyjesinde anıqlanǵan nızambuzıwshılıqlar ushın 22 bank hám 3 tólem shólkemi ilaj hám sankciyalar qollanılıwı haqqında eskertilgen.
Sonıń menen birge, ámeldegi nızamshılıq, Oraylıq bank tárepinen ornatılǵan ekonomikalıq normalar talapları hám kórsetpelerine ámel etilmegeni, sonday-aq, úyreniw hám inspekciya tekseriwleri dawamında anıqlanǵan nızambuzılıwshılıqlar ushın 8 bank, 7 tólem shólkemi hám 12 mikroqarjı shólkemine járiyma sankciyası qollanıldı.
Bunnan tısqarı, Bank qadaǵalawı komitetiniń tiyisli qararı menen 7 bank 2025-jıl ushın sistemalı áhmiyetke iye bankler sıpatında belgilendi.
Sh.Mamaturopova,
ÓzA