Bryussel qalasında «Ózbekstan-Evropa Awqamı» parlamentlik birge islesiw komitetiniń 17-májilisi bolıp ótti. Onıń jumısında Senat Baslıǵınıń birinshi orınbasarı Sodiq Safoev basshılıǵındaǵı Ózbekstan Respublikası Oliy Majlisi delagaciyası qatnastı.

Májilis dawamında Ózbekstan hám Evropa Awqamı arasındaǵı eki tárepleme birge islesiwdi rawajlandırıw perspektivaları hám aǵımdaǵı kún tártibiniń tiykarǵı máseleleri dodalandı. Birge islesiwdi bekkemlewde sezilerli jetiskenlikler atap ótilip, óz-ara baylanıslardı rawajlandırıwdıń tiykarǵı baǵdarlarına itibar qaratıldı.
Parlamentleraralıq birge islesiwdi bekkemlew, sonday-aq, turaqlı rawajlanıw, sawda, energetika hám ekologiya tarawlarında birgeliktegi baslamalardı ámelge asırıw máselelerine ayrıqsha itibar berildi.
«Ózbekstan – Evropa Awqamı» parlamentlik birge islesiw komitetiniń gezektegi májilisin 2025-jılı Ózbekstanda ótkeriwge kelisip alındı.

Qaraqalpaqstan xabar agentligi