Oraylıq Aziya mámleketleri arasında gender teńlikti rawajlandırıw, awıl hayal-qızlarınıń huqıqları menen imkaniyatların jáne de keńeytiw jolındaǵı áhmiyetli jumıslar ámelge asırılmaqta.

Túrkiyanıń Anqara qalasında «Hesh kimdi artta qaldırmastan: Túrkiya hám Oraylıq Aziyada awıl hayal-qızlarınıń huqıqları hám imkaniyatların keńeytiw» joybarınıń juwmaqlawshı konferenciyası bolıp ótti. Ilajda Túrkiya, Ózbekstan hám Tájikstan mámleketlerinen awıl hám toǵay xojalıǵı tarawında jumıs alıp barıwshı qánigeler qatnastı.
Konferenciyanıń birinshi bólimi mámleketlerdiń awıl hám toǵay xojalıǵında gender teńligin rawajlandırıw baǵdarındaǵı prezentaciyalarına baǵıshlandı, delinedi Toǵay xojalıǵı maǵlıwmatında. Bul prezentaciyalar xalıqaralıq ekspertler tárepinen tallanıp, BMShtıń FAO shólkemi menen birgelikte ámelge asırılǵan jumıslar tereń úyrenildi.
Ilajdıń ekinshi basqıshında qatnasıwshılar toparlarǵa bólinip, ámeliy sabaqlarda qatnastı. Bul sabaqlardıń sońında hár bir mámleket tájiriybe almasıp, awıl hayal-qızlarınıń huqıqları menen imkaniyatların jáne de keńeytiw boyınsha juwmaqlawshı pikirlerdi qáliplestirdi.

M.Hojiakbarova, ÓzA