«Alkogol hám temeki bazarın taártipke salıw sistemasınıń jetilistiriliwi múnásibeti menen Ózbekstan Respublikasınıń ayırım nızam hújjetlerine ózgerisler menen qosımshalar kirgiziw haqqında»ǵı nızam joybarı menen «Mámleketlik bajı haqqında»ǵı, «Licenziyalaw, ruqsat beriw hám xabardar etiw tártip-principleri haqqında»ǵı hám «Alkogol hám temeki ónimleriniń tarqatılıwın hám tutınıwın sheklew haqqında»ǵı nızamlarǵa tiyisli ózgerisler menen qosımshalar kirgiziw usınıs etilmekte.
Sonday-aq, tutınıw hám texnikalıq etil spirti, alkogol ónimlerin islep shıǵarıw, alkogol ónimleriniń kótere sawdasınıń jumısına berilgen licenziya ushın jıllıq mámleketlik bajını tólewdiń anıq múddetin belgilew názerde tutılmaqta.
«Alkogol hám temeki ónimleriniń tarqatılıwın hám tutınıwın sheklew haqqında»ǵı nızamǵa bolsa wákillikli uyımǵa temeki ónimleri menen kótere hám usaqlap satıp sawda islew jumısınıń baslanıwı haqqında xabarnama jiberiw jolı menen ámelge asırılıwı haqqında norma kirgizilmekte.
Ózbekstan «Adolat» social-demokratiyalıq partiyası frakciyası májilisinde usı nızam joybarı hár tárepleme dodalandı. Partiyanıń maqset hám wazıypalarınan kelip shıqqan halda, onı jáne de jetilistiriw, diydilengen maqsetine jetkeriw boyınsha usınıslar bildirildi.

M.Komilova, ÓzA