Qıtay Xalıq Respublikasınıń paytaxtı Pekin qalasında «Ózbekstan turizm jılı» ilajı baslandı. Bul ilaj usı jıldıń yanvar ayında Prezident Shavkat Mirziyoevtiń Qıtayǵa mámleketlik saparı waqtında erisilgen kelisimlerge muwapıq ótkerilmekte.
«Ózbekstan turizm jılı» ilajları sheńberinde Turizm komitetiniń baslıǵı Umid Shodiev hám QXR mádeniyat hám turizm ministriniń orınbasarı Li Yingchuan arasında sóylesiwler bolıp ótti.
Ushırasıwda turizm tarawındaǵı birge islesiwdiń házirgi jaǵdayı hám onı hár tárepleme keńeytiw boyınsha keyingi qádemler hár tárepleme dodalandı. Qıtay tárepi «Ózbeksan turizm jılı»nıń barlıq ilajların birgelikte joqarı dárejede ótkeriwge tayar ekenligin tastıyıqladı. Li Yingchuan jaqın jılları Ózbekstan qıtaylı turistler ushın súyikli baǵdarlardan birine aylanatuǵınına isenim bildirdi.
«Ózbekstan turizm jılı» sheńberinde Pekin, Shanxay, Guanchjou, Xanchjou, Sian, Tyanzin, Shenchjen, Chendu qalalarında hár qıylı ilajlar bolıp ótetuǵının maǵlıwmat ornında aytıw kerek.

Muhayyo Toshqoraeva,
ÓzA