Ózbekstan qońsı mámleketler menen xalıqaralıq avtomobil tasıwları tarawındaǵı birge islesiwdi jáne de bekkemlep, tarawdaǵı imkaniyatlar kólemin keńeytip barmaqta.
Ózbekstan Respublikası Transport ministriniń birinshi orınbasarı M.Omarov hám Tájikstan Respublikası Transport ministriniń orınbasarı Sh.Saidmurodzada basshılıǵında avtomobil tasıwları máseleleri boyınsha birgeliktegi komissiya májilisi ótkerildi.
Onda mámleketlerimiz arasında xalıqaralıq avtomobil tasıwları tarawındaǵı birge islesiwdi rawajlandırıw máseleleri dodalandı.
Videokonferencbaylanıs túrinde ótkerilgen májiliste tárepler sonday-aq, xalıqaralıq avtomobil tasıwları tarawındaǵı birge islesiw jaǵdayı haqqındaǵı málimlemeler boyınsha pikir alıstı. Nátiyjede 2025-jıl ushın ruqsatnama blankaların almasıw kvotaları kelisip alındı, delinedi Transport ministrliginiń maǵlıwmatında.
Sonday-aq, júk tasıwlar procesin jedellestiriw maqsetinde mámleketler arasında ruqsatnama blankaların «E-Permit» elektron almasıw sistemasın engiziwdi jedellestiriw menen baylanıslı táreplerdi dodaladı.
A.Rustamov, ÓzA