Ózbekstan Respublikası Konstituciyasınıń 32 jıllıǵı múnásibeti menen Ádillik ministrligi hám Tashkent mámleketlik yuridika universitetiniń Maqsetli kapital (Endowment fund) jámiyetlik fondı menen birgelikte Huqıq bilimdanları – Ulıwmamilliy Konstituciya imtixanı ótkerildi.
Imtixanda respublikanıń barlıq aymaqlarınan, sonday-aq, sırt mámleketlerde bolıp turaǵan jámi 37 mıń 764 puqara qatnastı.
Tańlaw úsh basqıshta shólkemlestirildi. Birinshi basqıshta qatnasıwshılar huquqiyaxborot kanalına óz jaqınların mirát etip, reytingte eń joqarı orın iyelegen qatnasıwshılar ekinshi basqıshqa ótti.
Ekinshi basqısh test.adliya.uz saytında bıyılǵı jıldıń 27-noyabr kúni ótkerildi. Onda qatnasıwshılar test sorawlarına juwap berdi. Test sorawlarına eń kóp hám tez juwap bergen 10 qatnasıwshı úshinshi basqıshqa ótti.
Úshinshi basqısh sáwbet túrinde shólkemlestirilip, tez soraw-juwap hám kazuslardan ibarat boldı.
Bahalaw nátiyjesine bola, eń joqarı ball toplaǵan úsh qatnasıwshı jeńimpazlıqtı qolǵa kirgizdi. Jeńimpazlar diplom hám aqshalay sıylıq penen saylıqlandı.
Birinshi orındı iyelegen qashqadáryalı mektep oqıwshısı Hasan Rahimov 20 million sum, ekinshi orındı qolǵa kirgizgen sırdáryalı licey oqıwshısı Doniyor Hakimov 12 million sum, úshinshi orındı alǵan qaraqalpaqstanlı mektep oqıwshısı Azamat Amanbaev 8 million sumǵa iye boldı.

N.Abduraimova, ÓzA