Rayondaǵı «Taraqqiyot kwzgwsi» gazetası redakciyası hám «Jayxun ilhomlari» mámleketlik emes kommerciyalıq emes shólkemi menen birgelikte usı jıldıń 20-aprel kúninen 20-mayǵa shekem «Ǵalabalıq kitapqumarlıq aylıǵı» járiyalandı. Bul haqqında Amunews.uz saytı xabar bermekte.
Kitapqumarlıq aylıǵı 20-aprel kúni Dúrmen awılındaǵı 20-sanlı ulıwma bilim beriw mektebindegi ilaj benen baslandı.
Ilaj sheńberinde, rayonnıń barlıq aymaqlarında «Kóshpeli kitap kárwanı», «Kóshpeli kitap dúkanı», «Eń jaqsı sawǵa – kitap», «Kitapxanaǵa kitap sawǵa etemen» atamalarındaǵı akciyalardı ótkeriw, sonday-aq, aylıq juwmaǵında rayondaǵı 9-sanlı balalar muzıka hám kórkem óner mektebinde Qaraqalpaqstan Respublikası hám Xorezm wálayatlarında jasap, dóretiwshilik etip atırǵan belgili jazıwshı hám shayırlardıń jaslar menen ushırasıwları shólkemlestiriliwi rejelestirilgen.
Qaraqalpaqstan xabar agentligi