Xalıq deputatları Ellikqala rayonlıq Keńesiniń deputatı Orınbay Kárimovtıń rayondaǵı 10-saylaw okrugi aymaǵında jaylasqan “Doslıq” mákan puqaralar jıyınında saylawshılar menen ushırasıwı bolıp ótti.
Ilajda xalıqtıń turmıs dárejesin jaqsılaw, puqaralardı tolıq suyılttırılǵan gaz ballonları, elektr energiyası, taza ishimlik suwı hám aqaba suw menen támiyinlew boyınsha bir qatar pikirler bildirilip, bul máseleler juwapkerler menen birgelikte sheshiletuǵını aytıldı.
Xalıq wákilleri deputatqa ózlerin qıynap kiyatırǵan hár túrli máseleler, olardı sheshiwde járdemlesiw boyınsha múrájat etti. Múrájatlerden kelip shıǵıp, deputat óz úyinde isbilermenlik jumısın baslamaqshı bolǵan puqaralarǵa járdem berdi. Sonday-aq, sheshimleri waqıt hám úyreniwdi talap etetuǵın múrájatlardiń orınlanıwı qadaǵalawǵa alınıp, tiyisli uyımlarǵa sorawnamalar jiberildi.
Qaraqalpaqstan xabar agentligi