«Ózbekstan Respublikasınıń ayrım nızam hújjetlerine ózgeris hám qosımshalar kirgiziw haqqında»ǵı nızam qabıl etildi, dep xabar bermekte «Inson va qonun».
Nızam tiykarında Miynet kodeksiniń 78-statyasına qosımsha kirgizilip, shaxstıń aldın sudlanǵanlıǵı (nızam hújjetlerinde názerde tutılǵan jaǵdaylar buǵan kirmeydi) yamasa jaqın aǵayin-tuwısqanlarınıń sudlanǵanlıǵı múnásibeti menen jumısqa qabıl etpewdi biykarlawshı norma ornatıldı.
Bul nızam joybarı Ádillik ministrligi tárepinen nızamshılıqta shaxstı jaqın aǵayin-tuwısqanlarınıń yamasa óziniń sudlanǵanlıǵı múnásibeti menen jumısqa qabıl etiwden bas tartıw tártipleri anıq belgilenbegenligi, puqaralardıń miynet etiw hám erkin kásip tańlaw huqıqın tolıq ámelge asırıwǵa tosqınlıq etip atırǵanı sebepli islep shıǵılǵan edi.
2016-jıldıń ózinde Ádillik ministrligine jaqın aǵayin-tuwısqanlarınıń yamasa óziniń sudlanǵanlıǵı múnásibeti menen jumısqa qabıl etiw biykarlanǵanlıǵınan soń narazı bolıp 33 múrájat kelip túsken.
Bul norma usı jıldıń19-aprel sánesinen baslap kúshke kirdi.
Qaraqalpaqstan xabar agentligi