Usı jıl 27-fevral kúni respublikamızdaǵı rayon(qala)lıq xalıq bilimlendiriw bólimlerine qaraslı 16 ulıwma orta bilim beriw mekteplerinde Innovaciyalıq olimpiadanıń 1-basqıshı bolıp ótti. Oǵan pán olimpiadasında, bilimler bellesiwinde hám basqa da tańlawlarda sıylı orınlardı iyelep júrgen 4407 oqıwshı qatnastı.
8-10-klass oqıwshıları arasında ótkerilgen bul olimpiada tiykarınan 7 pánnen (súwretlew óneri, ximiya, biologiya, tariyx, fizika, matematika, informatika) ótkerildi.
Innovaciyalıq olimpiadanıń usı jıl 10-mart kúni bolıp ótetuǵın Qaraqalpaqstan Respublikası basqıshına birinshi orındı iyelegen 326 oqıwshı qatnasadı.
Qaraqalpaqstan Respublikası Xalıq bilimlendiriw ministrliginiń málim etiwinshe, respublika kóleminde ótkeriletuǵın 2-basqısh onlayn tárizinde boladı hám barlıq process videobaqlawda boladı.
Sonıń menen birge, usı jıldıń aprel ayında innovaciyalıq olimpiadanıń sızıw páninen Ózbekstan kóleminde 3-basqıshın Nókis qalasında ótkeriwge tayarlıq kórilmekte.
Qaraqalpaqstan xabar agentligi