Balalar biziń keleshegimiz, erteńgi kúnimizdiń iyesi, iygilikli islerimizdiń dawamshıları. Olarǵa qansha itibar qaratsaq, mehir kórsetsek te arzıydı. Olarǵa ǵamqorlıq kórsetiw bolsa, keńpeyil hám miyrimli xalqımızdıń aǵla pazıyletlerinen sanaladı.

Ásirese, jańa jıl aldında balalarımız jasıúlken áwlad wákillerinen bayram sawǵaların kútedi.
Bayram múnásibeti menen respublikamızdıń barlıq aymaqlarında bolǵanı sıyaqlı , Taxtakópir rayonlıq Mádeniyat orayında saltanatlı ilaj shólkemlestirildi.
Ótkerilgen ilajǵa rayon hákimi J.Adilov, Qaraqalpaqstan Respublikası Ayrıqsha jaǵdaylar basqarması baslıǵı A.Davletov hám sektor basshıları qatnasıp, jıynalǵanlardı bayram menen qutlıqladı.
Ilaj dawamında rayon aymaǵındaǵı sociallıq qollap-quwatlawǵa mútáj shańaraqlardıń balalarına Prezident sawǵaları saltanatlı jaǵdayda tapsırıldı.
Óz gezeginde kórsetilip atırǵan bunday joqarı itibar hám ǵamqorlıq ushın Prezidentimizge hám respublikamız basshılarına ózleriniń minnetdarshılıǵın bildirdi.

Adilbay Orazov,
Qaraqalpaqstan xabar agentligi sholıwshısı.