Oʻzbekiston Respublikasi Prezidenti Shavkat Mirziyoyevning taklifiga binoan Fransiya Respublikasi Prezidenti Emmanuel Makron 1-noyabr kuni rasmiy tashrif bilan mamlakatimizga keldi.
Samarqand shahri aeroportida Fransiya Prezidentini Oʻzbekiston Bosh vaziri Abdulla Aripov kutib oldi.
Oliy martabali mehmon sharafiga ikki mamlakat bayroqlari koʻtarildi va faxriy qorovul saf tortdi.
Tashrifning asosiy tadbirlari ertaga rejalashtirilgan. Bugun ikki mamlakat yetakchilari koʻhna Samarqandning tarixiy obidalariga birgalikda tashrif buyuradilar.
O‘zA