Xitoyning Xanchjou shahrida o‘tayotgan IV Paraosiyo o‘yinlarini kanoechilarimiz quvonarli xabar bilan boshladi.

Biroz avval ayollar o‘rtasida para kanoechilarimiz ikki oltin medalni qo‘lga kiritgani haqida xabar bergan edik. Ushbu yo‘nalishning erkaklar o‘rtasidagi VL2 klassida hamyurtimiz Azizbek Abdulhabibov marraga 42.487 soniyada yetib keldi va delegatsiyamiz hisobiga uchinchi oltin medalni qo‘shtirib qo‘ydi.

Shuningdek, bugun kun davomida vakillarimiz para shaxmat, para kanoe, para velosport, para taekvondo, para stol tennisi, para o‘q otish, para yengil atletika, para dzyudo, para suzish kabi sport turlari bo‘yicha medallar uchun raqobatlashadi.

Javohir Toshxo‘jayev, O‘zA muxbiri