Kecha O‘zbekiston U-23 terma jamoasi o‘quv-yig‘in jarayonida so‘nggi o‘rtoqlik o‘yinida Marokashga 0:3 hisobida imkoniyatni boy berdi.
Shuningdek, kecha tunda Yevro-2024 saralash o‘yinlarida qo‘yidagi natijalar qayd etildi: Moldova – Chexiya 0:0, Niderlandiya – Gibraltar 3:0, Irlandiya – Fransiya 0:1, Vengriya – Bolgariya 3:0, Avstriya – Estoniya 2:1, Polsha – Albaniya 1:0, Shvetsiya – Ozarbayjon 5:0, Chernogoriya – Serbiya 0:2.
Bugun Yevro-2024ning so‘nggi saralash bahslarida Gruziya – Norvegiya, Kosovo – Andorra, Ruminiya – Belarus, Turkiya – Xorvatiya, Uels – Latviya, Shveysariya – Isroil, Shotlandiya – Ispaniya jamoalari ro‘baro‘ keladi.
Shuningdek, bugun Saudiya Arabistonida yig‘in olib borayotgan Srechko Katanets bosh murabbiyligidagi O‘zbekiston milliy terma jamoasi navbatdagi o‘rtoqlik o‘yinida Venesuela jamoasi bilan kuch sinashadi.
Yaqinda qit’a chempionatida g‘oliblikni tantana qilib, xalqimizga cheksiz iftixor bag‘ishlagan O‘zbekiston U-20 terma jamoasi poytaxtimizdagi «Jar» stadionida Rossiya terma jamoasi bilan bahslashadi.
“Parij-2024″‘ Olimpiadasining 1-bosqich saralash o‘yinlariga hozirlik ko‘rayotgan O‘zbekiston ayollar terma jamoasi esa Toshkentdagi «Paxtakor» stadionida Hindiston ayollar terma jamoasiga qarshi o‘rtoqlik uchrashuvida maydonga tushadi.
Kun mobaynida FIFA kunlari doirasida Avstraliya – Ekvador, Bangladesh – Seyshel orollari, Yaponiya – Kolumbiya, Janubiy Koreya – Urugvay, Nepal – Butan, Qirg‘iziston – Hindiston, Indoneziya – Burundi, Malayziya – Gonkong, Armaniston – Kipr, Eron – Keniya, BAA – Tailand, Iordaniya – Filippin, Suriya – Bahrayn, Germaniya – Belgiya, Boliviya – Saudiya Arabistoni, Quvayt – Tojikiston, Marokash – Peru, Argentina – Kyurasao terma jamoalari o‘rtasida o‘rtoqlik uchrashuvlari bo‘lib o‘tadi.
O‘zA