Saudiya Arabistonining bir nechta hududida kutilmaganda kuchli qor yog‘di. Ayniqsa, Al-Baxa okrugi katta zarar ko‘rdi, deyiladi Euronews agentligi tarqatgan xabarda.

Yo‘llarning katta qismi yopilib, mashinalar qor uyumlariga tiqilib qolgan. Yo‘llarni tozalash uchun og‘ir qurilish texnikalari jalb qilingani aytilmoqda.

Al-Baxa ta’lim  departamenti maktab o‘quvchilarini ikki kunga uyda qolishga va masofadan turib o‘qishga chaqirgan, chunki o‘quvchilar va o‘qituvchilar o‘quv muassasalariga yetib borishi qiyin bo‘lmoqda, deyiladi xabarda.