Xorvatiyaning Split shahrida tennis bo‘yicha ITF W40 Split Women turnirida ishtirok etayotgan hamyurtimiz Nigina Abduraimova juftlik bahslarida chorak final yo‘llanmasini qo‘lga kiritdi.
Mamlakatimizning birinchi raketkasi Nigina Abduraimova va rossiyalik Alyona Fomina juftligi musobaqaning 1/8 final bellashuvida xorvatiyalik Yana Fett hamda Iva Primorak bilan ro‘baro‘ keldi. Murakkab kechgan bahsda 4/6, 6/4, tay-brekda 10/7 hisobida Nigina va Alyona juftligi g‘alaba qozondi.
Endi Abduraimova/Fomina tandemi 1/4 finalda sloveniyalik Nika Radishich hamda xorvatiyalik Tena Lukash juftligiga qarshi bahsda keyingi bosqich masalasini hal etadi.
O‘zA