Өзбекистан Республикасы Президентиниң пәрманы
&атанымыздың ғәрезсизлигин беккемлеў, миллий идеяны раўажландырыў, руўхыйлығымызды тиклеў, өзлигимизди аңлаў жолында үлкен үлес қосқан, жарқын таланты менен дөретиўшилиги, илимий жумысы, ҳадал хызмети, жасларды ана-Ўатанға муҳаббат, ғәрезсизлик идеяларына садықлық руўхында саламат ҳәм бәркамал етип тәрбиялаў және жәмийетлик жумысларда белсене қатнасқаны ушын төмендегилер ҳүрметли атақлар ҳәм орденлер менен сыйлықлансын:
Қарақалпақстан Республикасы бойынша:
«Өзбекистан Республикасына хызмет көрсеткен мәденият хызметкери»
| Генжемуратов Бахтияр Алламбергенович | – Өзбекистан Жазыўшылар аўқамының ағзасы, шайыр |
| Сапаев Сададдин Мамбетович | – Елликқала районы мәденият бөлимине қараслы «Бостан» қосық ҳәм аяқ ойын халық ансамблиниң көркемлик жақтан басшысы |
«Өзбекистан Республикасына хызмет көрсеткен денсаўлықты сақлаў хызметкери»
| Омарбаева Шәригүл | – Қараөзек районы медицина бирлеспесиниң неонатолог шыпакери |
«Өзбекистан Республикасына хызмет көрсеткен спортшы»
| Жаңабаев Рустам Кәмилжан улы | – Аўыр атлетика бойынша Өзбекистан миллий сайланды командасының ағзасы |
«Өзбекистан Республикасына хызмет көрсеткен халық билимлендириў хызметкери»
| Байманова Тамара Аллияровна | – Қараөзек районындағы 31-санлы қәнигелестирилген улыўма орта билим бериў мектебиниң химия пәни оқытыўшысы |
«Меҳнат шуҳрати» ордени менен
| Ходжанов Муратбай Турдымуратович | – Қарақалпақстан Республикасы телерадиокомпаниясы Қарақалпақстан телеканалының режиссёры |
Елимизде ҳәр тәреплеме саламат ҳәм бәркамал әўладты тәрбиялаў жумысына қосқан үлкен үлеси және жасларды Ўатанға муҳаббат, ғәрезсизлик идеяларына садықлық, саламат турмыс тәризиниң принциплери руўхында тәрбиялаўдағы хызметлери ушын төмендегилер сыйлықлансын:
«Дослық» ордени менен
| Палуаниязова Улмекен Жолдасбаевна | – Қарақалпақстан Республикасы телерадиокомпаниясы Қарақалпақстан радиоканалы бас редакторының орынбасары |
Елимизде әмелге асырылып атырған руўхый-ағартыўшылық ҳәм социаллық реформалардағы белсене қатнасы, нәтийжели мийнети, жас әўладты ана-Ўатанға муҳаббат, миллий ҳәм улыўмаинсаныйлық қәдриятларға ҳүрмет руўхында тәрбиялаў жумысына қосқан үлеси ушын төмендегилер сыйлықлансын:
«Шуҳрат» медалы менен
| Дәўлетмуратова Гүлнара Бегдуллаевна | – Тахтакөпир районы «Тахтакөпир таңы» газетасының редакторы |
| Сейтмуратов Матеке Мухаматдинович | – Өзбекистан Миллий телерадиокомпаниясы Нөкис телерадиоорайы көшпели техника қураллары топарының аға элетромеханиги |
| Уразбаев Дарменбек Турдыбекович | – «Тасвирий ойина» дөретиўшилик аўқамы Қарақалпақстан бөлиминиң баслығы |
Өзбекистан Республикасы
Президенти Ш.МИРЗИЁЕВ
Ташкент қаласы,
2017-жыл 25-август