Өзбекстан Республикасы Президентиниң пәрманы
Мәмлекетимизде билимлендириў системасын раўажландырыў, тараўда түпкиликли реформалардың нәтийжесин арттырыў, оқыў-тәрбия процесслерине миллий ҳәм алдыңғы сырт ел тәжирийбелери, инновациялық педагогикалық ҳәм мәлимлеме-коммуникация технологияларын кеңнен енгизиў жумысларына қосқан мүнәсип үлеси, оқыўшы ҳәм студент жасларға илим тийкарлары, заманагөй кәсип-өнерлерди үйретиў, олардың инттелектуаллық потенциалын жоқарылатыў, Жаңа Өзбекстанның дөретиўшилери болған жетик ҳәм бәркамал әўладты қәлиплестириў жолындағы үлкен хызметлери. перзентлеримизди ўатансүйиўшилик, миллий ҳәм улыўма инсаныйлық қәдириятларға ҳүрмет руўхында тәрбиялаўдағы ибратлы жумысы ҳәм жәмийетлик турмыста белсене қатнасқаны ушын төмендегилер ҳүрметли атақ, орден ҳәм медальлар менен сыйлықлансын:
Қарақалпақстан Республикасы бойынша:
«Дўстлик» ордени менен
Абипова Замира Мақсетбаевна – Нөкис қаласындағы 33-улыўма орта билимлендириў мектебиниң биология пәни муғаллими
Камалов Амангелди Базарбаевич – Нөкис мәмлекетлик педагогикалық институтының физика-оқытыў методикасы кафедрасы баслығы
II дәрежели «Соғлом авлод учун» ордени менен
Тәжимова Мухаббат Абдукадировна – Беруний районындағы 7-мектепке шекемги билимлендириў шөлкеминиң баслығы
Тлеўова Дилбар Абдурахмановна – Мойнақ районындағы қәнигелестирилген улыўма орта билимлендириў мектебиниң математика пәни муғаллими
«Соғлом турмуш» медалы менен
Гаржиев Илмурат Халмухамметович – Төрткүл районындағы 38-улыўма орта билимлендириў мектебиниң денетәрбия пәни оқытыўшысы
«Шуҳрат» медалы менен
Абдурасулиева Арзайым Сабырбаевна – Қанлыкөл районындағы 18-қәнигелестирилген улыўма орта билимлендириў мектебиниң химия пәни муғаллими
Өзбекстан Республикасы
Президенти Ш.МИРЗИЕЁВ
Ташкент қаласы,
2023-жыл 28-сентябрь