Өзбекстан Республикасы Президентинин қарары

Өзбек әдебиятының ең жақсы дөретпелерин шет тиллерине, жәҳән әдебиятының ең жақсы үлгилерин өзбек тилине аўдарыўды ҳәр тәреплеме қоллап-қуўатлаў, нәтийжели дөретиўшилик алып барып атырған қәбилетли аўдармашыларды мүнәсип хошаметлеў, көркем аўдарманың дәрежесин және де арттырыў, сондай-ақ, 2023-жылы 22-декабрь күни өткерилген Республика Руўхый ҳәм ағартыўшылық кеңесиниң кеңейтилген мәжилисинде алға қойылған басламаларды әмелге асырыў мақсетинде:

  1. Өзбекстан Жазыўшылар аўқамы, Мәлимлеме ҳәм ғалаба коммуникациялар агентлиги, Илимлер академиясы, Республика Руўхый ҳәм ағартыўшылық орайының көркем аўдарма тараўында Муҳаммед Рийза Әгаҳый атындағы халықаралық сыйлықты (кейинги орынларда – Халықаралық сыйлық) шөлкемлестириў ҳаққындағы усынысы мақуллансын.
  2. Халықаралық сыйлық ушын таңлаўлар 2025-жылдан баслап, ҳәр еки жылда бир мәрте төмендеги бағдарларда өткерилетуғыны ҳәм жеңимпазлар анықланатуғыны белгилеп қойылсын:

өзбек әдебиятының прозалық дөретпелеринен шет тиллерине аўдарылған еӊ жақсы аўдарма;

өзбек әдебиятыныӊ поэзиялық дөретпелеринен щет тиллерине аўдарылған еӊ жақсы аўдарма;

өзбек балалар әдебияты үлгилеринен шет тиллерине исленген еӊ жақсы аўдарма;

шет тиллеринде жаратылған прозалық дөретпелерден өзбек тилине исленген еӊ жақсы аўдарма;

шет тиллеринде дөретилген поэзиялық шығармалардан өзбек тилине исленген еӊ жақсы аўдарма;

шет тиллеринде дөретилген балалар әдебияты үлгилеринен өзбек тилине исленген еӊ жақсы аўдарма.

  1. Халықаралық сыйлық жеӊимпазларыныӊ ҳәр бири арнаўлы диплом, көкирек белгиси ҳәм базалық есаплаў муғдарыныӊ 300 есеси муғдарында бир мәртелик ақшалай сыйлық пенен сыйлықланатуғыны;

жеӊимпазларға Халықаралық сыйлық салтанатлы түрде тапсырылатуғыны белгиленсин.

  1. Көркем аўдарма тараўында Муҳаммед Рийза Әгаҳый атындағы халықаралық сыйлық кеӊеси қурамы қосымшаға муўапық тастыйықлансын.

Халықаралық сыйлық кеӊеси (А.Н.Арипов):

2024-жыл 1-октябрьге шекем Халықаралық сыйлықтыӊ арнаўлы диплом ҳәм көкирек белгисиниӊ жойбарларын тастыйықласын, сондай-ақ, рәсмий веб-сайтын жаратсын;

Халықаралық сыйлықты жергиликли ҳәм сырт ел ғалаба хабар қураллары, Интернет ҳәм социаллық тармақларда кеӊнен үгит-нәсиятлаў арқалы дөретиўшилик шөлкемлер, аўдармашылар, жазыўшы ҳәм шайырлар арасында ғалаба ен жайдырыўды шөлкемлестирсин;

маман қәниге ҳәм дөретиўшилерден ибарат талабанлардыӊ жумысларын көрип шығыў бойынша жумысшы топарлардыӊ жумысын жолға қойсын, усы жумысшы топарлардыӊ жуўмақларын ҳәм кеӊ жәмийетшиликтиӊ пикир-усынысларын инабатқа лаған ҳалда жеӊимпазларды анықлап, сыйлықлап барсын;

Халықаралық сыйлық жеӊимпазлары менен турақлы жедел дөретиўшилик бирге ислесиўди жолға қойсын.

Өзбекстан Жазыўшылар аўқамы Халықаралық сыйлық кеӊесиниӊ жумысшы уйымы есапланатуғыны белгиленсин.

  1. Министрлер Кабинети бир ай мүддетте Көркем аўдарма тараўында Муҳаммед Рийза Әгаҳый атындағы халықаралық сыйлық ҳаққындағы режени тастыйықласын.
  2. Сыртқы ислер министрлиги Халықаралық сыйлықты сырт мәмлекетлерде кеңнен ғалаба ен жайдырыў ҳәм жеңимпаз деп табылған сырт елли қатнасыўшылардың мәмлекетимизге мирәт етилиўине жәрдемлессин.
  3. Халықаралық сыйлық таңлаўын шөлкемлестириў ҳәм өткериў, соның менен бирге, усы қарардың 3-статьясында белгиленген илажларды әмелге асырыў менен байланысды қәрежетлер Руўхыйлық ҳәм дөретиўшиликти қоллап-қуўатлаў мақсетли қорының қәрежетлер сметасы бойынша Өзбекстан Жазыўшылар аўқамына ажыратылатуғын қаржылар, шөлкемлестириўшилердиң қаржылары ҳәм нызамшылық ҳүжжетлери менен қадаған етилмеген басқа дәреклердиң есабынан қапланатуғыны белгиленсин.
  4. Өзбекстан Миллий мәлимлеме агентлиги, Өзбекстан Миллий телерадиокомпаниясы ҳәм басқа ғалаба хабар қуралларына усы қарардың орынланыўы шеңберинде әмелге асырылып атырған илажларды кеңнен сәўлелендириў усыныс етилсин.
  5. Усы қарардың орынланыўын қадағалаў Өзбекстан Республикасы Бас министри А.Н.Ариповқа жүкленсин.

 Өзбекстан Республикасы 

 Президенти   Ш.МИРЗИЁЕВ

Ташкент қаласы,

2024-жыл 4-июнь