“Өзгидромет” Өзбекстан аймағына суўық антициклон кирип киятырғанынан ескертти.

Мәмлекет аймағына суўық антициклон кирип келмекте. Бул процесс басқышпа-басқыш болады ҳәм антициклон кирип келиў дәўиринде атмосферада ҳаўа алмасыўы ҳәлсирейди.

Нәтийжеде, атмосфера ҳаўасында патасландырыўшы затлар ҳәм майда бөлекшелердиң (PM2,5/PM10) топланыўы бақланыўы мүмкин, бул болса ҳаўаның патасланыў көрсеткишлериниң артыўына алып келеди. Бул процесс 3 күн даўамында сақланып туради.

Кейин ала антициклонның тәсири күшейип барады ҳәм 16-17-январь күнлерине келип республика бойлап дерлик барлық аймақларда ҳаўа температурасы төменлейди. Күндизги температуралар да төменлеп, түнги ҳәм азанғы саатларда суўық күшейеди.

Соның менен бирге, антициклон нәтийжесинде жаўын-шашын болыўы да болжанбақта. Айырым аймақларда жаўын ямаса қар көринисиндеги қысқа мүддетли жаўын-шашынлар бақланады.

Жаўын-шашынлар ҳәм самал нәтийжесинде атмосферада топланған майда бөлекшелер жуўылыўы ҳәм атмосфера ҳаўасы сапасының жақсыланыўына бир қанша ўақыт себеп болыўы күтилмекте.

Қарақалпақстан хабар агентлиги