Арқа Кореяда үш әўлад – Ким Ил Сунг, Ким Жонг Ил ҳәм Ким Жонг Ун дәўиринде жоқары лаўазымларда хызмет еткен сиясий ғайраткер Ким Ёнг Нам 97 жасында қайтыс болды. KCNA хабарына бола, ол 3-ноябрь күни денениң бир неше ағзалары жумысының жетиспеўшилиги себепли қайтыс болған.

Марҳум 1998-2019-жыллар даўамында Жоқарғы халық мәжилиси президиумының баслығы сыпатында мәмлекеттиң рәсмий мәмлекет басшысы ўазыйпасын атқарған. КХДРдың ең узақ мүддет хызмет еткен дипломатларынан бири есапланатуғын Ким Ёнг Нам халықаралық майданда көбинесе режимниң “жүзи” сыпатында көринген.

Өткен әсирдиң 50-жылларында сыртқы сиясат системасына кирип келген бул сиясатшы кейин ала сыртқы ислер министрлигинде басшылық еткен, Қубла Кореяның үш Президенти менен тарийхый ушырасыўларда қатнасқан. Соның ишинде, 2018-жылғы Қысқы Олимпиадада Пхеньян делегациясына басшылық еткен.

KCNA жазыўынша, ол “партия ҳәм мәмлекет раўажланыўына үлкен үлес қосқан ғайраткер” деп жәрияланды. Режимге садықлығы менен танылған Ким Ёнг Нам абырайлы ҳәмелдарлардың арасында Кимлер әўладына тийисли аз санлы тулғалардан бири болып есапланады. Ол ҳеш қашан лаўазымнан шетлетилмеген ҳәм 2019-жылы напақаға шыққан.

Мусулмон Зиё, ӨзА