(Қарақалпақ тили ҳәм әдебияты қәнигелигиниң 90 жыллығына)

 Жүрегимниң төринде – Қуяшым, Айым,
Алтын ҳәриплер менен жазылған атың.
Сени мәңги сақлағай, Тәңрим – Қудайым,
Қарақалпақ тили ҳәм әдебияты!…

Ақылымның, санамның жулдызы – өзиң!
Бул әлемди танытқан Күндизим – өзиң!
Ўатан яңлы дүньяда жалғызым – өзиң!
Қарақалпақ тили ҳәм әдебияты!

Бул дүньяда жүдә мол қәнигеликлер,
Өз кәсибин ҳәр инсан мақтар, тәриплер,
“Филология!” десем, илҳам, йош келер,
Қарақалпақ тили ҳәм әдебияты.

Тоқсан жасың халқыма мүбәрек болсын,
Даңқыңа бахыт және дәўлет қус қонсын.
Жасың жүзге ҳәм мыңға, миллионға толсын!
Қарақалпақ тили ҳәм әдебияты!

Бахтыяр ГЕНЖЕМУРАТОВ

Өзбекстан халық шайыры

Қарақалпақстан хабар агентлиги