Ҳашимийлер Патшалығының барлық жетекши басылымлары Патша Абдуллоҳ II ибн Ал-Ҳусайнның Өзбекстан Республикасы Президенти Шавкат Мирзиёевтиң мирәт етиўине бола мәмлекетимизге еткен мәмлекетлик сапарын толық сәўлелендирмекте.

Мақалаларда сапар шеңберинде өткерилген сөйлесиўлер, қол қойылған ҳүжжетлер, Өзбекстан – Иордания саммитиниң детальлары менен бирге Иордания патшасының пикирлери айрықша атап өтилмекте.

Мысалы, Абдуллаҳ II ибн Ал-Ҳусайн еки мәмлекет халықларына хызмет етиў мақсетинде Иорданияның Өзбекстан менен бирге ислесиўин кеңейтиў тилеги күшли екенин билдирген:

– Мен Президент Уллы Мәртебели Мырза Шавкат Мирзиёев пенен оғада мазмунлы сәўбетлестим. Перспективалы бағдарларда шерикликти кеңейтиў ушын бизде үлкен имканиятлар бар ҳәм ерисилген келисимлер мақсетлеримизге ерисиў жолындағы әҳмийетли қәдем болып есапланады. Көрсетилген шын жүректен миймандослық ушын Уллы Мәртебели Президентке ҳәм Өзбекстан халқына шын жүректен миннетдаршылық билдиремен.

                                                                           ӨзА