2024-жылы 10 826 өзбекстанлы мәмлекетлик электр тармақларына өткерген қуяш энергиясы ушын 12 млрд 182 млн сум субсидия алды.

Субсидияның ең үлкен бөлеги Хорезм ўәлаятына (2,8 млрд сум) туўра келмекте. Кейинги орынларды Қарақалпақстан Республикасы (1,9 млрд сум) ҳәм Ташкент қаласы (1,4 млрд сум) ийелеген.

Қуяш энергиясы арқалы алынған ақшаларды «Салық» мобиль қосымшасы «Кэшбек ҳәм жеңилликлер» хызметиниң «Қуяшлы хожалық» бөлиминдеги «Картаға пул өткериў» айнасында банк картасына өткерип алыў мүмкин.

2023-жыл 1-апрельден «Қуяшлы хожалық» бағдарламасы шеңберинде хожалығына қуяш панеллерин орнатқан физикалық тәреплерге қуяш панели арқалы ислеп шығарылған ҳәм бирден-бир электр энергетика системасына жалғанған электр энергиясының ҳәр бир киловатт сааты ушын 1000 сумнан субсидия ажыратылыўы белгиленген.

Қарақалпақстан хабар агентлиги