2024-jılı 10 826 ózbekstanlı mámleketlik elektr tarmaqlarına ótkergen quyash energiyası ushın 12 mlrd 182 mln sum subsidiya aldı.

Subsidiyanıń eń úlken bólegi Xorezm wálayatına (2,8 mlrd sum) tuwra kelmekte. Keyingi orınlardı Qaraqalpaqstan Respublikası (1,9 mlrd sum) hám Tashkent qalası (1,4 mlrd sum) iyelegen.
Quyash energiyası arqalı alınǵan aqshalardı «Salıq» mobil qosımshası «Keshbek hám jeńillikler» xızmetiniń «Quyashlı xojalıq» bólimindegi «Kartaǵa pul ótkeriw» aynasında bank kartasına ótkerip alıw múmkin.
2023-jıl 1-aprelden «Quyashlı xojalıq» baǵdarlaması sheńberinde xojalıǵına quyash panellerin ornatqan fizikalıq táreplerge quyash paneli arqalı islep shıǵarılǵan hám birden-bir elektr energetika sistemasına jalǵanǵan elektr energiyasınıń hár bir kilovatt saatı ushın 1000 sumnan subsidiya ajıratılıwı belgilengen.

Qaraqalpaqstan xabar agentligi