Өзбекстан Республикасы Россияның «Russian traveler» журналы тәрепинен шөлкемлестирилген «Russian traveler Awards 2024» миллий туризм сыйлығының эксперт төрешилер коллегиясы таңлаўының нәтийжесине бола «Turizm v SNG» номинациясында жеңимпаз деп табылды.
Сыйлықлаў мәресиминде Туризм комитети баслығының биринши орынбасары Жамшид Абдусаломов басшылығындағы Өзбекстан делегациясы қатнасты.
«Russian traveler» журналы мәмлекет ишинде саяхат етиў ҳәм белгили халықаралық бағдарларға бағышланған рус басылымы. Ол саяхат идеялары, эксперт мәсләҳәтлери ҳәм жанлы фотосүўретлер менен мақалаларды усыныс етеди.
Журналдың биринши саны 2022-жылы Санкт-Петербург халықаралық экономикалық форумында таныстырылған. Сондай-ақ, журнал Россиядағы ең жақсы туристлик бағдарлар, мийманханалар, круизлар ҳәм туризмниң басқа да өзгешеликлерин атап өтиўши ҳәр жылы «Russian traveler» сыйлықларын шөлкемлестиреди.
Быйыл июль айында Россияның усы журналы Өзбекстанның туризм имканиятына бағышланған «Өзбекстан-Шығыс ертеги» («Узбекистан – Восточная сказка») атамасындағы арнаўлы саны басып шығарылған болып, рус китап китапқумарлары арасында үлкен қызығыўшылық пайда еткен.
Муҳайё Тошқораева,
ӨзА