Ózbekstan Respublikası Rossiyanıń «Russian traveler» jurnalı tárepinen shólkemlestirilgen «Russian traveler Awards 2024» milliy turizm sıylıǵınıń ekspert tóreshiler kollegiyası tańlawınıń nátiyjesine bola «Turizm v SNG» nominaciyasında jeńimpaz dep tabıldı.
Sıylıqlaw máresiminde Turizm komiteti baslıǵınıń birinshi orınbasarı Jamshid Abdusalomov basshılıǵındaǵı Ózbekstan delegaciyası qatnastı.
«Russian traveler» jurnalı mámleket ishinde sayaxat etiw hám belgili xalıqaralıq baǵdarlarǵa baǵıshlanǵan rus basılımı. Ol sayaxat ideyaları, ekspert másláhátleri hám janlı fotosúwretler menen maqalalardı usınıs etedi.
Jurnaldıń birinshi sanı 2022-jılı Sankt-Peterburg xalıqaralıq ekonomikalıq forumında tanıstırılǵan. Sonday-aq, jurnal Rossiyadaǵı eń jaqsı turistlik baǵdarlar, miymanxanalar, kruizlar hám turizmniń basqa da ózgesheliklerin atap ótiwshi hár jılı «Russian traveler» sıylıqların shólkemlestiredi.
Bıyıl iyul ayında Rossiyanıń usı jurnalı Ózbekstannıń turizm imkaniyatına baǵıshlanǵan «Ózbekstan-Shıǵıs ertegi» («Uzbekistan – Vostochnaya skazka») atamasındaǵı arnawlı sanı basıp shıǵarılǵan bolıp, rus kitap kitapqumarları arasında úlken qızıǵıwshılıq payda etken.
Muhayyo Toshqoraeva,
ÓzA