Пайтахтымыз Нөкис қаласында жайласқан Гимнастика спорт түрлерине қәнигелестирилген спорт мектебинде спорт акробатикасы бойынша 19 жастағы ул балалар ҳәм қызлар арасында Өзбекстан чемпионаты басланды.

Жарысқа Қарақалпақстан Республикасы, Ташкент қаласы ҳәм барлық ўәлаятлардан келген командалар қатнаспақта.

Кеше чемпионаттың ашылыў мәресими болып өтип, онда Қарақалпақстан Республикасы Спорт министри Е.Қутыбаев, Өзбекстан Миллий Олимпия комитети Қарақалпақстан бөлими атқарыўшы директоры Ш.Айтбаев ҳәм басқалар қатнасып, спортшыларға жарысларда әўмет тилеп, жақсы нәтийжелерге ерисиўине тилеклеслик билдирилди.

Чемпионат 14-мартқа шекем даўам етеди.

Қарақалпақстан хабар агентлиги