2026-2027-оқыў жылынан баслап медицина бағдарында кадрлар таярлаў системасында әҳмийетли өзгерислерди әмелге асырыў режелестирилмекте.

Соның ишинде, Денсаўлықты сақлаў министрлиги усыныс етип атырған Президент пәрманы жойбарында медицина тараўында кадрлар таярлаўшы жоқары билимлендириў шөлкемлериниң бакалавриат бағдарларында арттырылған төлемли-контракт тийкарында қабыллаў тәртиби бийкар етилиўи режелестирилген. Бул қарар қабыл етиў процесинде сапа нормаларын күшейтиўге қаратылғаны менен түсиндирилип атыр.

Сондай-ақ, бакалавриат, резидентура (клиникалық ординатура) ҳәм магистратура қәнигеликлеринде:

– шыпакер қәнигеликлери ушын минимал өтиў балы – 70 процент;

– орта медицина хызметкери қәнигеликлери ушын – 60 процент етип белгиленеди.

Бул талап ҳәр бир оқыў модулин өзлестириўде ҳәм мәмлекетлик имтиханларда қолланылады.

Буннан тысқары, халық арасында ең көп ушырасатуғын ҳәм өлим қәўпи жоқары болған кеселликлер және жағдайлар бойынша ажыратылатуғын кредит саатлары көбейтиледи. Бул әмелият клиникалық таярлықты реал мүтәжликлерге бейимлестириўди нәзерде тутады.

Билимлендириў процесине илимий изертлеўлер ҳәм дәлиллерге тийкарланған медицина методикасы, симуляциялық орайларда әмелий көнликпелерди өзлестириў мәжбүрий тәртипте енгизиледи.

Тар тараў қәнигелиги тек резидентура ҳәм магистратура арқалы шыпакерлер ушын тар қәнигеликлер бойынша бирлемши ҳәм қосымша қәнигелесиў енди тек резидентура (клиникалық ординатура) ҳәм магистратура арқалы әмелге асырылады.

Қысқа мүддетли қайта таярлаў курслары арқалы тар тараў қәнигелиги бериў тәртиби бийкар етиледи (қосымша ямаса тереңлестирилген таярлық буған кирмейди).

Сондай-ақ, бирлемши мақсетли қәнигелестириў курслары – интернатура қабыллаўы да бийкар етиледи, -деп мәлимлеме береди xabar.uz сайты.

Қарақалпақстан хабар агентлиги