Олий Мажлис Нызамшылық палатасы Спикериниң орынбасары Раҳимжон Ҳакимовтың Конрад Аденауэр атындағы қордың Орайлық Азия бойынша регионаллық ўәкилханасының басшысы Андре Алгермиссен менен ушырасыўы болып өтти.

Атап өтилгениндей, соңғы жыллары Өзбекстан менен Германия арасындағы көп тәреплеме  қатнасықлар – инновация ҳәм технологиялар, “жасыл” экономика, альтернатив энергетика, транспорт ҳәм логистика, билимлендириў ҳәм мәденият тараўларында раўажланып бармақта.

Сондай-ақ, еки тәреплеме қатнасықлар шеңберинде сиясий ҳәм экономикалық тараўдағы сөйлесиў жеделлескени унамлы баҳаланды.

Өз гезегинде, А.Алгермиссен кейинги жыллары Президент Шавкат Мирзиёевтиң басшылығында Өзбекстанда барлық тараўда әмелге асырылып атырған реформалар, кең көлемли жаңаланыўларды атап өтти.

Сондай-ақ, бүгинги күнде Парламентлик изертлеўлер институты, Жаслар парламенти менен нәтийжели бирге ислесиў жолға қойылғаны, тараўға жаңа әмелият ҳәм механизмлерди енгизиўде бир қатар әмелий жумыслар исленип атырғанлығы атап өтилди.

Сөйлесиў ўақтында өз-ара пайдалы бирге ислесиўди раўажландырыў ҳәм биргеликтеги жойбарларды әмелге асырыў, атап айтқанда, бүгинги күндеги парламентаризмниң әҳмийетли мәселелерин үйрениў, алдынғы сырт ел әмелиятының жетискенликлерин үйрениўге келисип алынды.

Соның менен бирге, парламент жумысында жасалма интеллектти қолланыў, бул бағдарда Германия тәжирийбесин үйрениў бойынша бирге ислесиў бойынша пикир алысылды.

М.Комилова, ӨзА