Өзбекстан Республикасы Президенти Шавкат Мирзиёев 23-февраль күни экономикалық раўажланыў, нәтийжели басқарыў ҳәм халықаралық бирге ислесиў мәселелери бойынша кеңесгөйи Сума Чакрабартиди қабыллады.

Кеңесгөйдиң “Өзбекстан – 2030” стратегиясында белгиленген ўазыйпалардың әмелге асырылыўын қоллап-қуўатлаўға қаратылған жумысының тийкарғы бағдарлары додаланды.

Ҳаял-қызлардың экономикалық имканиятларын кеңейтиў, улыўма билимлендириў мәкемелериниң потенциалы ҳәм инвесторлар менен стратегиялық коммуникацияны раўажландырыў мәселелерине айрықша итибар қаратылды.

Экономикалық реформалар, мәмлекетлик басқарыў, билимлендириў тараўларындағы алдынғы халықаралық тәжирийбе ҳәм стратегиялық режелестириў әмелиятын избе-из енгизиў әҳмийетли екенлиги атап өтилди.

Сондай-ақ, халықаралық майданда мәмлекетимиз инвестициялық потенциалын үгит-нәсиятлаўды буннан былай да кеңейтиў мәселесине тоқтап өтилди.

ӨзА