Рим қаласында болып өткен Өзбекстан ҳәм Италия жоқары оқыў орынлары ректорларының екинши форумы шеңберинде Өзбекстан Республикасы жоқары билимлендириў, илим ҳәм инновациялар министри Қоңыратбай Шарипов Италия Республикасының Пемонт регионы Денсаўлықты сақлаў министри Федерико Рибольди менен ушырасыў өткерди.

Сөйлесиўлер даўамында еки тәреплеме бирге ислесиўди, әсиресе, медицина, фармацевтика ҳәм парамедицина тараўларында кадрлар таярлаў, илимий изертлеўлер ҳәм академиялық алмасыўларды раўажландырыў мәселелери додаланды.

Ушырасыўда медицина тараўындағы қоспа билимлендириў бағдарламаларын кеңейтиў, профессор-оқытыўшылар ҳәм студентлер алмасыўын жолға қойыў, Италияның алдынғы клиникаларында әмелият өтеў имканиятларын жаратыў, сондай-ақ, мийирбийкелер таярлаў системасы бойынша тәжирийбе алмасыў мәселелери көрип шығылды.

Атап айтқанда, Самарқанд мәмлекетлик медицина университети ҳәм Пиза университети арасындағы биргеликтеги магистрлик бағдарламасын раўажландырыў, студентлер ушын грант ҳәм стипендия механизмлерин енгизиў, Италия қәнигелерин оқыў процесине тартыў ҳәм клиникалар менен тиккелей бирге ислесиўди күшейтиў бойынша пикир алысылды.

Тәреплер медициналық билимлендириў ҳәм денсаўлықты сақлаў тараўында узақ мүддетли, әмелий ҳәм нәтийжели бирге ислесиўди жолға қойыўға таяр екенин билдирди.

Муҳайё Тошқораева, ӨзА